По-церковно-славянски:
«В тойже день, в неделю третию постов, поклонение празднуем честнаго и животворящаго Креста, вины ради сицевы: Понеже бо четыредесятодневным постом, образом неким и мы распинаемся, умерщвляеми от страстей, горести же чувство имамы, унывающе и низпадающе: предлагается честный и животворящий Крест, яко убо прохлаждая и утверждая нас, и воспоминая нам страсти Господа нашего Иисуса Христа, и утешая. Аще Бог наш нас ради распятся, колико подобает нам Его ради деяти, облегчая же болезни наша предложением Владычних скорбей, и воспоминанием, и упованием, Крестом славы? Яко бо Спас наш на Крест возшед, прославися безчестным жительством и огорчением: сице подобает и нам деяти, да и спрославимся Ему, аще и нечто некогда страждем печальное. И инако: якоже долгий и жестокий путь проходящии, и трудом отягчавшии, аще где древо благосеннолиственное обрящут, мало седше упокояются, и яко убо юни бывше прочее путь проходят: тако и ныне в постное время и прискорбный путь и подвиг, насадися посреде от святых отец живоносный Крест, ослабу и прохлаждение нам подаяй благомужественны же и легки к прочему труду утрудившияся устрояя. Или якоже есть при цареве пришествии, предходят онаго знамения и скиптры: таже и сам приходит, радуяся о победе, и веселяся, свеселится же вкупе и послушное. Тако и Господь наш Иисус Христос, хотя елико неуклонно на смерть показати победу, и со славою произыти воскресным днем, предпосла скиптр Свой, Царское знамение, животворящий Крест, обрадования и прохлаждения нас, яко множайша исполняющий, и устрояющий нас готовых быти, и Самаго елико мощно Царя восприяти, и восхвалити светло побеждающа. Посреде же святыя четыредесятницы седмицы: зане горькому источнику подобна есть святая четыредесятница, сокрушения ради, и сущия нам от поста горести и печали. Якоже убо во онаго среду божественный Моисей древо вложи, и услади его, тако и проведый нас Бог умнаго Чермнаго моря, и фараона, животворящим древом честнаго и животворящаго Креста, услаждает горесть постом от четыредесятницы: и утешая нас яко в пустыни пребывающих, дондеже ко умному Иерусалиму возведет Своим Воскресением. Или понеже Крест древо живота глаголется и есть, оно же древо посреде рая Едема насаждено бяше: прилично и божественнии отцы крестное Древо посреде святыя четыредесятницы насадиша, вкупе убо и Адамово лакомство поминающе, вкупе же и онаго отъятия прописующе настоящим Древом, сего бо вкушающе не ктому умираем, но паче и оживляемся. Того силою Христе Боже и нас сохрани от лукаваго искушений: и Божественным Твоим страстем и живоносному Воскреснию поклонитися сподоби, четыредесятодневное благосветле прешедшим поприще, и помилуй нас яко един Благ и Человеколюбец, аминь».
По-русски:
«... В тот же день, в третью неделю поста мы празднуем поклонение честному и животворящему Кресту вот по какой причине: во время сорокадневного поста мы как бы распинаем себя... и испытываем некоторую горечь, печаль и уныние, поэтому нам предлагается Животворящий Крест, освежающий и ободряющий нас; напоминая нам страдания Христа, он укрепляет и утешает нас... мы подобны тем, которые проходят долгим и трудным путем; утомленные, они видят прекрасное дерево и садятся отдохнуть в тени его листвы; немного отдохнувши, как будто обновленные, они продолжают свой путь; так и теперь, в постное время, среди прискорбного пути подвига, святые Отцы водрузили Живоносный Крест, подающий прохладу и освежающий нас, для того, чтобы мы могли мужественно и легко окончить остающийся путь... Или возьмем другой пример: когда приходит царь, то перед ним сперва появляются его знамена и скипетр, а затем и сам царь идет, радуясь и веселясь о победе, и с ним вместе веселятся и его подчиненные; так же и Господь наш Иисус Христос, который хочет показать Свою победу над смертью и явиться во славе дня Воскресения, посылает впереди себя свой скипетр и царское знамя — Животворящий Крест, наполняющий нас радостью и приготовляющий, насколько это нам возможно, встретить Самого Царя и восхвалить Его победу... Все это на неделе среди святой Четыредесятницы, т. к. святая Четыредесятница подобна горькому источнику проливаемых слез сокрушения, постного подвига и уныния... Но Христос утешает нас, как странствующих по пустыне, до тех пор, когда Он приведет нас к духовному Иерусалиму своим Воскресением... потому что Крест называется и есть Древо Жизни, которое было посажено посреди рая; поэтому и святые Отцы водрузили его среди святого Великого поста, напоминая одновременно блаженство Адама и то, как он его лишился, напоминая также, что, вкушая от этого Древа, мы больше не умираем, но оживляемся. Того силою, Христе Боже, и нас сохрани от искушений лукавого; и Божественным Твоим страстям и живоносному Воскресению поклониться сподоби, четыредесятодневное благосветлое прешедшим путешествие, и помилуй нас, яко един Благ и Человеколюбец, аминь».